• Қарулы күштердің 2019 жылғы ұраны "Рухани жаңғыру - жауынгерлік рух тірегі"

Жаңалықтар

14 тамыз, 2019

Халықаралық Әскери ойындарда Қазақстан қоржыны үш алтын медальмен толықты

Қазақстан құрамасы Халықаралық Армия ойындары шеңберінде өткізілген «Артиллериялық атыс шеберлері», «Сұңқар салу» және «Сенімді қабылдау» сайыстарында жеңіс тұғырынан көрініп, алтынды қанжығасына байлады.

Қазақ сарбаздары «Артиллериялық атыс шеберлері» байқауында алғашқы алтынына қол жеткізді. Жеке жарыс, түнгі спринт және эстафета кезеңдерінен тұратын сайыс күндізгі және түнгі уақытта өткізілді. Жарысқа қатысушылар белгілі бір бағытты жүріп өтіп, оқшашар, автомат және граната атқыштан, сондай-ақ миноатқыштан оқ атты. Түнгі уақытта нысананы көздеуге түнгі көру құралдары пайдаланылды. Ақтық эстафетада еліміздің мина ату бойынша көрсеткіштері жоғары бағаланып, Қазақстан құрамасына жеңіс әкелді.

Жеңіске жету туралы «Оңтүстік» өңірлік қолбасшылығы әскерлері қолбасшысының оқпен ату бойынша орынбасары, команда жаттықтырушысы, полковник Дәурен Есқожин: «Жеңіске бірнеше ай бойы тынбай жүргізген дайындық, команданың үйлесімді жұмысы, мықты жауынгерлік рух, табандылық пен айқын мақсат жетеледі. Сондықтан бұл қазақстандық артиллеристердің еңбегінің жеңісі» дейді.

Үздік нәтижені көрсеткен келесі байқаудың бірі – «Сенімді қабылдау». Жарыста әскери байланыс қызметкерлері радиограмма арқылы байланысты ұстап, Морзе әліппесімен хабарламалар жіберіп, түнде жарық беру белгілерін қалта шамы арқылы көрсетті. Ал соңғы мәреде сайыскерлер кез келген тәсілмен байланысты орнатып, қажетті дабылды жіберуі тиіс. Бұл орайда біздің құрам бірінші кезеңде-ақ бірден басымдық танытып, сайыстың барлық кезеңдерінде үздік көрінді.

Елімізге тағы бір жеңісті сыйлаған – «Сұңқар салу» байқауы. Бұл үш кезеңнен тұратын сайыс. Бірінші кезең –   ұшқышсыз ұшу апараттарының дайындығы және күндізгі әуе барлауы, екінші кезең – биіктеп ұшу, әуе барлауы және түнде артиллерия оқтарын қалыпқа келтіру деп аталады. Мұндағы шешуші кезеңде әр елден үш ұшқышсыз ұшу құрылғылары алма кезек іздеу, анықтау және объектілердің координаттарын белгілеу тапсырмаларын орындады.

Айта кетерлігі, биыл елімізде өткен Халықаралық Армия ойындарына Ресей, Қытай, Беларусь, Өзбекстан, Қырғызстан, Әзірбайжан, Тәжікстан, Армения, Иран, Сирия, сонымен қатар Венесуэла және Зимбабве мемлекеттері Қарулы Күштерінің әскери шеберлері қатысты. 

Аталған үш байқаудың жеңімпаздары мен сайыс жүлдегерлерін марапаттау 15 тамыз күні «Отар» әскери полигонында АрХО-2019 салтанатты жабылу рәсімі аясында өтеді.

252
Қазақстан Республикасы Президентінің ресми сайты
Қазақстан Республикасының  Премьер-Министрі ресми сайт
Қазақстан Республикасының Үкiметi
100 нақты қадам баршаға арналған қазіргі заманғы мемлекет
Стратегия 2050
100 жаңа есім
Бас әскери прокуратура
Қазақстан Республикасы Қаржы министрлігі
ҚР Ішкі істер министрлігінің Төтенше жағдайлар комитеті
Қазақстан Республикасының Электрондық үкіметі
РМК  «Kазарнаулыэкспорт»
North Atlantic Treaty Organization
Құрлық әскерлері Әскери институты
Әділет
KADEX
«Қазконтент» АҚ
ҚР Тұңғыш президенті - Елбасы атындағы Ұлттық қорғаныс университеті
Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі
Қазақстан Республикасы Әділет министрлігі
Қазақстан - Ұлы Дала Елі
Жұмыс
ТМД Қорғаныс министрлерінің кеңесі
Қазақстан Республикасының мәдениет және спорт министрлiгiнiң ресми сайты
Ақсауыт
Ақпараттық сервис
Нәтижелі жұмыспен қамтуды және жаппай кәсіпкерлікті дамытуған арналған Бағдарлама
Президенттік жастар кадр резерві